維多利亞港舊照片

WMA展覽《Hitch A Ride On Water Frank Fischbeck Collection 隨水而泊》，策展人林彥鋒。照片：香港大學圖書館藏品。

朋友問城區散步推介，個人私心精選中上環。鍾意行橫街窄巷又有腳力就一路向山上行。記憶中第一次探險係孫中山文物徑附近， 已婚警察宿舍（當時PMQ仲未開幕）、文武廟、卜公花園、永利街（歲月神偷）。點解會有第一次嘅探險？ 中學歷史科考察活動，老師帶我哋去卜公花園、青年會、醫學博物館。中文科老師亦提及年輕時會穿高踭鞋行石板街。 所以我自己走去看看，結果發現喜歡上了這裏的橫街窄巷。

冇乜腳骨力鍾意睇海的，可以沿着維多利亞海港散步。睇吓維港景色同埋近年海濱發展委員會對於海岸嘅建設。疫情初期2021年頭我從堅尼地城，一直走到灣仔，沿着海旁走， 欣賞海皮公共空間。

講到維港海皮，必須提到今日喺WMA睇嘅展覽。WMA將香港大學圖書館收藏的舊照片連同今年拍攝維港景色的短片展出。我認真睇每一張相嘅時候，大部份嘅地方我都認得出。我強烈建議大家先沿着維港行一轉，再去WMA睇展覽，再去維港行一次，睇吓殖民初期嘅香港同而家二三年香港維港景色有啲咩變化。當我睇到太平山的高樓同山之間的距離很遠，覺得山不高。 短片中的山已經被高樓大廈遮住，覺得啲山好高，因為嗰棟大廈100層樓，樓幾乎遮住山，山的高度非常具象。 仲有就係展覽入口書架上放滿左關於呢個展覽嘅參考書，有歷史書、藝術書等，我相信對於香港歷史、香港藝術有興趣嘅朋友仔相當有用。 仲有一個小問題， 點解人覺得以前香港建築靚， 卻唔覺得依家嘅建築靚。當好多年之後我哋會唔會睇返而家嘅建築覺得而家嘅建築物好靚。

語音輸入好好啊。我可以一路做其他嘢一路寫呢篇文。 最後重點如果你哋可以跟住我IG2021年嘅post行得晒嘅話，已經好犀利㗎啦。我暫時冇意欲發掘新嘅散步路線，所以就行住先啦。 如果你哋有散步路線推介， 歡迎同我分享。

今日4個鐘行咗三個地方。第一個點WMA，第二個點大館，第三個點ifva。 回復正常之後，好多遊客啊，如果你哋知道邊度少遊客歡迎同我分享。