戴金戒指的男人

小美約咗新同事食飯，佢揞住個嘴笑咪咪咁講好鍾意新同事隔籬嗰個男同事。新同事o咗咀：佢結咗婚個喎。小美話：我都結咗婚。有次小美搵男同事，男同事一路講一路轉手上面嗰隻戒指。小美心諗：死啦，我嘴角含春嘅樣係咪俾佢發現咗啊。新同事聽到內心好想笑。

小米也是個好笑的人。佢比新認識嘅男同事手上嘅金戒指吸引咗目光。第一次覺得金戒指一啲都唔俗氣，將來結婚一定要老公帶金戒指。喺黝黑嘅手掌，金戒指顯得特別耀眼，同銀戒指唔一樣。銀戒指同手掌嘅膚色太接近。佢觀察到好似戴金戒指嘅男士都特別錫自己個老婆。

小皮以前讀書嗰陣有個同學中指戴戒指，同學們戲稱：戒指男，講笑佢可能結咗婚或者有女朋友。畢咗業之後咁啱有機會遇到戒指男，於是就開玩笑咁問對方。對方解釋，嗰隻係教會嘅戒指。雖然澄清咗，戒指男呢個稱號依然係同學之間嘅回憶。

小米觀察男士嘅戒指嘅時候，都有觀察女士嘅戒指。理性嘅分析同佢認識嘅女性無拍拖或者未結婚，所以好少帶戒指嘅女性朋友。認識嘅男性朋友都係大過佢，有好穩定嘅交往對象或者老婆。佢思疑冇帶戒指嘅已婚男士，感情有問題。有同事會去外國做嘢，老婆要求佢一定要帶結婚戒指，以前係香港做嘢嗰陣係唔會帶戒指嘅，所以好少人知道佢係爸爸。

佢哋嘅討論結果係戴戒指嘅男人係會將老婆擺喺個心度，又或者時時刻刻都記得有太太嘅人，因為時時刻刻都會摸到望到見到嗰隻戒指。唔知係咩原因小米好想親手做戒指比自己，奈何自己去整戒指實在係太尷尬。