中大散步漫遊

係錢穆圖書館停留一段時間，攰咗就一定要逃離四面石屎墻嘅建築物。離開圖書館，向左拐，經過圓形廣場同草地，行去天人合一兜一個圈。學思樓門前果棵花好香，香到停低，好似嗦k甘猛嗦。然後沿車路一直行，經過海景宿舍，前面果棵樹的果實呈梨形，皮深綠色，唔知係咩黎呢。路的左面有幾棵樹，其中一棵榔左一張兩個女仔合照嘅即影即有係樹嘅名牌上。是在玩尋寶游戲嗎？行上情人路，風吹黎，竹子葉以自轉式翻滾落下，唔似其他樹葉硬著陸。穿過情人路，向胡忠圖書館行，通常唔會直路行去，太快了。係花樣聯華卡位道具果度行上斜路，貼住山邊外圍行。行入去，見到學生上緊堂。以前疫情，刪曬窗，以爲係office。以前呢度有兩隻貓，有人會喂佢地，不過唔知宜家去左邊。穿出黎係草地，宜家草地一半係地盤。沿住邊兜一圈，經過曾肇添樓、圖書館、鄭棟才樓，最後係草地坐低。休息完，直路經過鄭棟才樓，行返館。

（完全唔似張義風格，應該係早期作品。）

（係咪同上一幅好似？係文樓作品。）

（何兆基係張義徒弟）

今日行返館，見到一句塗鴉「點先可以沒憂愁？」唔思考就無憂愁。正所謂自尋煩惱，自己一路唸一路糾結。唔唸，跳過糾結，直接做，會唔會好D？一直記得中學老師曾經講過「無場外的舉人」。好多時煩惱係一念之差，做定唔做。做左先知得唔得，唔得咪用另一個方法或者放棄。若果係可控之外，就記一句「謀事在人，成事在天」。

該做的事情就去做，所以沒什麽要懷疑的。宜家嘅我唔懷疑人生，直接散步，可以改做散步漫游。上星期對住陌生領域，揾好多料，睇極都睇唔入腦，心一直唔安落。睇到某個位，揾到説服改題目嘅理據後，如釋重負。第二天勁早自然醒，自動自覺去圖書館。每日起身腦海都出現呢句「該做的事情就去做」。